O sábado 1 de setembro, ás 18:00 horas terá lugar, no campo de Os Loureiros, un encontro entre a UDJ Almeiras e a UDJ Almeiras Veteranos, conmemorando aquela "tempada do doblete".

Xa pasaron trinta anos daquel magnífico curso, no que a UDJ Almeiras conquistara ambos títulos na tempada 1987-1988. Naquela ocasión, a plantilla do equipo cullerdense fora campión de Liga de 1ª Rexional e campión da Copa da Coruña, na edición de 1988. 

Unha vez rematado o encontro, terá lugar unha merenda con todos os afeccionados que acompañaron a ambos conxuntos na tarde que se disputou o encontro. Será no Centro Cultural de Almeiras, a partir das 20:00 horas da tarde.