Asinaron o convenio onte no salón de plenos do Concello o conselleiro Jose Luis Méndez Romeu e o alcalde Julio Sacristán, quen o cualificou de "histórico" para o municipio de Culleredo.

Polo momento e ata que finalicen as obras utilizarán as dependencias de Protección Civil.

Segundo explicou Méndez Romeu, a construción do cuartel da garda civil en Culleredo ten dous obxectivos principias: dotar deste servizo aos 30.000 habitantes do municipio e que "a creación se poida facer nunha instalación axeitada, nunha área de seguridade e nunhas condicións realmente óptimas". O conselleiro e o alcalde lembraron as reducidas taxas de delincuencia rexistradas na comunidade e, non obstante, a necesidade de continuar traballando para que sigan baixando.

Os 257.000 euros que a Consellería de Presidencia destina para a casa cuartel entregaranse en pagamentos parciais por petición do Concello, ata un máximo do 80 % da mesma.

Para a realización dos pagamentos o Concello de Culleredo deberá xustificar que se realizaron as actuacións do obxecto do convenio e o seu pagamento.

A execución das obras corresponde ao Concello que asumirá a dirección da obra, a tramitación de permisos, licenzas e autorizacións administrativas.