Como o pasado inverno, o Club Natación Culleredo organiza nas instalacións do Complexo Deportivo de Acea de Ama a Escola de Natación de Inverno en colaboración co Concello de Culleredo.

As clases darán comezo o día 1 de outubro e están dirixidas a nenos e nenas de 3 a 12 anos. En todos os horarios haberá grupos de iniciación e perfeccionamento divididos en sete niveis de ensino.  As clases serán impartidas por monitores titulados, de luns a xoves, do seguinte xeito:

• Luns e mércores, haberá dúas quendas de clases. Serán de 16:00 a 17:00 horas e de 17:00 a 18:00 horas.
• Martes e xoves tamén haberá dous turnos de natación, tamén de 16:00 a 17:00 horas e de 17:00 a 18:00 horas

Os prezos para dous días á semana son: 30,60€/mes para familia numerosa, 32,40€/mes por desconto de irmáns e 36€/mes para o resto. Terán preferencia as inscricións de dous días e dependendo das prazas dispoñibles pódese estudar a opción de un día por semana (22€/mes) ou tres días por semana (49€/mes). As inscricións dun día faranse a partir do 17 de setembro.

Para solicitar máis información, podedes chamar aos teléfonos do Club Natación Culleredo, tanto ao 698 164 284 ou ao 981 207 170. Tamén podedes contactar a través do correo electrónico cnculleredo@gmail.com.