O Concello de Culleredo organizará os espazos e aulas de Benestar para o vindeiro curso 2018-2019. As preinscricións poderán realizarse do 1 ao 5 de outubro. As listaxes provisionais de inscritas e inscritos publicaranse o día 11 de outubro. O día 15 do mesmo mes, a sala Irmáns Brañas do Burgo acollerá ás 11 horas o sorteo público das prazas. Dous días despois, o 17 de outubro, serán publicadas as listaxes para realizar a matrícula, que se poderá facer efectiva do 18 ao 24 de outubro. O día 29 de outubro publicaranse as listaxes definitivas de grupos e as prazas baleiras. A partir do día 30 de outubro estará dispoñible a matrícula para todo o ano en prazas baleiras. O comezo das actividades será no mes de novembro, e a data oficial comunicarase a cada un dos participantes persoalmente. Tedes toda a información nos arquivos adxuntos a esta nova.