Protección Civil situarase na rúa Domingo Sierra.

Protección Civil de Culleredo situarase provisionalmente, ata que o cuartel da garda civil ocupe as súas novas dependencias, no local de propiedade municipal na rúa Domingo Sierra, nos baixos do edificio Mirador.

O alcalde, Julio Sacristán, tomou a decisión e anunciou que nesta semana se procederá ao traslado do mobiliario e enseres necesarios para o seu funcionamento.

O local ten unha superficie de 90 m² aproximadamente e nel se prestarán os servizos de protección civil e funcionarán os reténs do persoal.

As dependencias están totalmente acondicionadas polo que non é necesaria a realización de ningunha obra.