As vindeiras datas previstas para a tramitación do DNI no Concello de Culleredo son os días 8 e 11 de marzo de 2019, en horario de 9:00 a 12:30 horas, nas oficinas municipais de Vilaboa, situadas no Pazo Vila Melania (avda. de Vilaboa, número 44).

Haberá que solicitar cita con anterioridade, ben en persoa na oficina de información no Concello de Culleredo, ou no número de teléfono 981 67 77 77, en horario de 9:00 a 14:00 horas, de luns a venres, ata cubrir o cupo de 55 persoas, en rigorosa orde de inscrición.

Tamén se poderá solicitar a cita para A Coruña, ou solicitala vostede no seguinte enlace: www.citapreviadnie.es, ou no teléfono 902 247 364.