Aquí podedes consultar a programación infantil para o Concello de Culleredo. O día 6 de febreiro,  terá lugar o "Cancioneiro multicultural", con entrada libre, e para persoas entre 0 e 100 anos. Será en Vilaboa.

O día 8 de febreiro, no Burgo, terá lugar o contacontos coa Dragona Ramona, cuxo título é "Amigos". Entrada libre, a partir de 3 anos. 

O día 15 de febreiro levarase a cabo o obradoiro de customización de prendas. Para inscribirse, poderedes facelo na biblioteca de Vilaboa esa mesma semana. Pensado para nenas e nenos entre 7 e 12 anos. 

O 22 de febreiro, en Vilaboa, a Dragona Ramona volverá participar con "Amigos", unha actividade de contacontos para rapaces a partir de 3 anos. Entrada libre. 

Todas as actividades serán ás 18:30 horas, tanto no edificio de Servizos Múltiples do Burgo, como en Villa Melania, na Avenida de Vilaboa.