Antonio Fraguas é o persoeiro homenaxeado no Día das Letras Galegas deste 2019. Para dar a coñecer tan senlleira figura da nosa cultura, sobre todo entre os máis pequenos, o Concello de Culleredo, a través da Concellaría de Cultura e coa colaboración da Deputación da Coruña, vén de publicar un díptico que recolle un resumo en viñetas da súa vida. O díptico repartirase na Feira de Artesanía que se celebrará o vindeiro 17 de maio na praza Europa do Burgo.