Mañá, día 1 de outubro, abrirá o prazo de inscrición para o taller de cociña saudable ‘ Cullerchef’, que está destinado a nenas e nenos entre 7 e 12 anos. Comezará ás 9:00 horas, e finalizará o día 4 do mesmo mes tamén ás 9:00 horas.

Para esta edición ofértanse o dobre de prazas que o ano pasado, coa intención de cubrir a ampla demanda que teñen estes  obradoiros. A principal novidade é que nesta edición haberá dous niveis, ‘Iniciación’ e ‘Avanzado’, con dúas quendas para cada nivel.

A inscrición poderá facerse ‘en liña’, e para todas as persoas que teñan algún tipo de problema na tramitación, estará aberto o teléfono 981 66 55 97 para resolver calquera incidencia.

Trátase dunha actividade completamente  gratuíta, coa que se quere conseguir afianzar o xa tratado en anteriores edicións, fomentando un estilo de vida saudable nos máis pequenos, así como a capacidade de xestión dos recursos alimentarios e o traballo en equipo. As prazas adxudicaranse por sorteo.
 

Aquí vos deixamos a ligazón para realizar a inscrición: https://docs.google.com/forms/d/1ETT3QdA-lYnQM0a0P7Lcsq-n2pXofgwVJywfkqOW4pM/closedform