En marcha o XXV Curso de Micoloxía do Concello de Culleredo, dirixido a persoas maiores de 18 anos e que se celebrará os días 6, 7, 8 e 9 de novembro. 

A preinscrición poderá realizarse do 7 ao 11 de outubro, mediante o rexistro municipal. As clases teóricas terán lugar no Centro Municipal Pablo Picasso, os días 6, 7 e 8 de novembro, de 20:00 a 21:30 horas. 

O sábado 9 de novembro, de 9:30 a 14:30 horas, desenvolverase unha saída de recollida de setas en Torrelavandeira, en Curtis. A disposición están 50 prazas, que se gardarán por estrita orde de preinscrición. O prezo público da actividade son 10 euros para os empadroados/as de Culleredo, e 12 euros para os/as non empadroados/as. 

Para máis información, podedes chamar ao teléfono 981 664 204, ou preguntar no Centro Municipal "Pablo Picasso". Nesta nova están adxuntos os documentos para realizar a preinscrición.