Culleredo xa se prepara para acoller a celebración do '3º Trofeo de Culleredo', que terá lugar o vindeiro día 1 de novembro no complexo deportivo de Acea de Ama.

Á presentación do cartel oficial acudiron o alcalde de Culleredo, José Ramón Rioboo Castro, os edís de Deportes do Concello de Culleredo e do Concello de Cambre, Miguel Suárez e Daniel Mallo, respectivamente, o presidente da Federación Galega de Ciclismo, Juan Carlos Muñiz, o presidente do Club Ciclista Cambre-Caeiro, Juan Carlos Candal, e Álvaro Rey, tamén do club cambrés.

Na proba desputaranse as competicións das categorías sub-23 feminina e masculina, máster 60 masculina e feminina, máster 50 femeinina, máster 40 feminina e masculina, 30 masculina e feminina, júnior feminina e masculina, élite UCI, élite feminina e masculina, cadete feminina e masculina, e as pertencentes ás escolas do Club Ciclista de Cambre.