A Deputación Provincial da Coruña pon en marcha a campaña de inverno 2020 con actividades na estación invernal de Cabeza de Manzaneda, entre o 24 de xaneiro e o 24 de febreiro.

Para o Concello de Culleredo destínanse 13 prazas, do 7 ao 10 de febreiro de 2020. O prazo de inscrición na campaña remata o 4 de decembro. Poderase formalizar no Rexistro Xeral do Concello (Tarrío), de luns a venres de 9:00 a 14:00 horas; no Rexistro Auxiliar do Concello do Edificio de Servizos Múltiples de luns a venres, de 9:00 a 14:00 horas.

Para máis información, podedes consultar no Edificio de Servizos Múltiples do Burgo, no teléfono 981 66 55 97 ou no enderezo deportes@culleredo.es.

O procedemento pódese realizar por sede electrónica, empregando a documentación desta nova. 

A folla de inscrición atópase adxunta nesta nova.