Culleredo extremará a vixilancia policial para loitar contra as verteduras incontroladas no medio rural

O Concello de Culleredo loitará contra as verteduras incontroladas de residuos reforzando a vixilancia policial.

En ocasións prodúcense este tipo de prácticas incívicas que depositan no medio rural restos como mobles, enseres ou escombros que supoñen un atentado contra o medio ambiente. Esta fin de semana deuse un novo caso no Monte Xalo, espazo referente do patrimonio natural. Alguén deixou alí, xunto á estrada, un colchón e un somier.

Ciclistas que practicaban por esa zona avisaron do sucedido. Hoxe o Concello tramita a súa retirada.

A realización deste tipo de verteduras incontroladas repítese co tempo en Culleredo e a área metropolitana. En 2018 elimináronse no municipio un total de 21 verteduras mediante o convenio con Tragsa, e en 2019 quitouse un número parecido a través dunha empresa contratada polo Concello.

O Concello pide a colaboración cidadá para transmitir ás forzas de seguridade calquera indicio sobre os responsables destas prácticas para a consecuente sanción, que pode chegar aos 3.000 euros.

O goberno local lembra que os veciños de Culleredo teñen á súa disposición a través do Consorcio As Mariñas dun servizo gratuíto de recollida a domicilio de mobles e enseres, sen necesidade de levar a cabo estes atentados ao medio. Simplemente chamando ao 981 795 524 se  concierta a cita.

Esta recollida componse dos seguintes elementos.

  • Residuos de madeira (mobles, caixas, táboas, etc.)
  • Metais (de ferro e non de ferro) e residuos eléctricos e electrónicos (REE) da liña branca (lavadoras, frigoríficos, etc.)
  • Residuos eléctricos e electrónicos (REE) da liña marrón (televisores, audio, vídeo,  Hl- FI, etc.,) e da liña gris (computadores, impresoras, teclados, periféricos diversos, etc.).
  • Outros (colchóns,  somieres, etc.).

Ademais, tamén poden realizar o mesmo no punto limpo, tamén gratuíto, situado en Sésamo.
 

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina