O Conservatorio Municipal de Música de Culleredo ofrece 15 prazas nas especialidades vacantes para o curso 2020/2021. Trátase dun posto para clarinete, tres para guitarra, un para percusión, tres para piano, un para trompeta, tres para violín e outro para violoncelo.

O prazo para inscribirse á proba de acceso para o primeiro curso de  Grao Elemental abarcará desde o luns 15 de xuño ata o 26 do mesmo mes, ambos inclusive. A presentación de toda a documentación será,  preferencialmente, a través da dirección de correo electrónico conservatorio@culleredo.es.

Entre a mesma, ha de achegarse o impreso de inscrición asinado por ambos os proxenitores e unha fotocopia do DNI do ou da aspirante. As familias que non dispoñan de medios telemáticos para poder presentar a matrícula, poderán facelo no edificio do Conservatorio solicitando cita previa no teléfono 981 66 77 98 en horario de 9:00 a 14:00 horas.

A realización das probas será entre o día 1 e o 4 de setembro.