O Concello de Culleredo ofertará actividades infantís para a conciliación durante o verán. A emerxencia sanitaria polo  COVID-19 impediu a organización dos habituais campamentos nos colexios, pero para proporcionar outra opción ás familias o goberno local impulsa estes  obradoiros lúdico-educativos.

Ocuparán todas as mañás, en horario de 9.00 a 14.00 e organizaranse por quenda  de dúas semanas de duración desde o 20 de xullo ao 31 de agosto no Edificio de  Servizos Múltiples do Burgo. Irán dirixidos a nenos e nenas dos 3 aos 12 anos de idade.

As actividades seguirán de forma estrita un protocolo de seguridade e protección pola COVID-19.
O Concello lanzará nos próximos días a oferta, con todos os detalles para realizar a inscrición.