O Concello de Culleredo impulsa unha programación cultural especial para este verán, adaptada ao contexto da COVID-19. Trátase do ciclo 'Concertos con vida', que se desenvolverá durante varios venres desde o 24 de xullo ata o 28 de agosto.

Os eventos seguirán o formato de concertos 'verticais'; realizaranse principalmente en espazos residenciais para que a veciñanza tamén poida seguilos desde as súas vivendas. Só un deles se levará a cabo nun espazo aberto; o parque de Celas, coa finalidade de achegar tamén o ciclo á zona rural.

O Concello organiza o ciclo cun protocolo especial de seguridade e protección con motivo da COVID-19. O aforo será reducido e delimitado, asegurando a distancia interpersoal, e efectuaranse controis de acceso.

• 24 de xullo: Dani Royo, na praza de Sanjurjo de Carricarte, no Burgo.
• 31 de julio: Black , na praza de Daniel Rodríguez Castelao, en Fonteculler.
• 14 de agosto: Pepe Piña Versións, na praza da Sagrada Familia, en Vilaboa.
• 21 de agosto: Pepe Piña Boleros, no parque da Torre de Celas.
• 28 de agosto: O Intre, na praza do Paseo Tierno Galván, en Acea de Ama.

Todos os eventos serán ás 20:30 horas. No caso de choiva, os concertos trasladaranse ao auditorio do Edificio de Servizos Múltiples.