ES / GL

O Concello intensifica as tarefas de esparexido de sal con motivo da volta ás aulas

12 Xaneiro, 2021. 15:04

O Concello de Culleredo intensificou durante a pasada semana as tarefas de esparexido de sal con motivo da volta ás aulas. Durante a tarde do pasado mércores, comezaron os traballos pola zona rural e urbana, e a partir das 23:00 horas fíxose especial fincapé nas zonas escolares.

A previsión meteorolóxica advertía dunha importante baixada de temperaturas, co que a probabilidade da formación de placas de xeo en estradas, beirarrúas e lugares públicos facíase máis que evidente. Cabe destacar a implicación do equipo de Protección Civil á hora de desempeñar as devanditas tarefas.

Polo que desde o goberno local articulouse un dispositivo especial para que os traballos cubrisen a maior superficie de territorio posible. Á hora de emitir este comunicado, non se rexistrou ningún tipo de incidencia, aínda que desde o Concello insisten en “circular con prudencia, ben sexa con vehículo particular ou a pé”.