O Concello de Culleredo finalizou hoxe as notificacións provisionais da axuda do programa PEL REACTIVA da Deputación da Coruña. 

Notificáronse a 340 as resolucións provisionais, 92 están desestimadas provisionalmente e agora poden presentar alegacións para poder estimarse. Existen 248 expedientes concedidos, que teñen de prazo ata o 31 de marzo de 2021 para presentar por sede electrónica a seguinte documentación xustificativa. 

- Anexo XI- Xustificación PEL REACTIVA (que está pendurado na sede electrónica na seguinte ruta: Catálogo de servizos e solicitudes > Dinamicación, Formación e emprego > PEL REACTIVA Concello de Culleredo > Información (na parte inferior están os modelos da axuda). 

- Facturas xustificativas do gasto segundo o establecido na base sétima dentro do período subvencionable: 1/03/2020 ao 31/12/2020. 

- Xustificantes bancarios do pago das facturas (transferencia, cargo de conta, cheque ou pagaré). 

É necesario aportar a documentación xustificativa para poder realizar o pago da axuda. Terá que presentarse exclusivamente por sede electrónica seguindo a seguinte ruta: 

Sede electrónica Concello de Culleredo - Catálogo de servizos e solicitudes - Asuntos xerais - Instancia xenérica - Tramitar