Mañá, mércores 5 de maio, ás 10:00 horas, o Concello de Culleredo celebrará un pleno extraordinario coa seguinte orde do día.

 

1.- Aprobación, se procede, das actas das sesións de datas 03.03.2021 e 24.03.2021.

 

2.- Proposta sobre aprobación inicial do Regulamento polo que se regula a prestación de servizos en réxime de teletraballo-presencial.

 

3.- Proposta sobre aprobación do contido do convenio de colaboración con Augas de Galicia para a osta a disposición dos terreos necesarios para a execución da continuación do itinerario peonil e ciclista que parte da rúa Río Mero e que se conectará co paseo da Ría do Burgo.

 

4.- Proposta sobre resolución do recurso de reposición presentado por Miguel Paz Vila contra acordo do pleno de data 18/01/2021 polo que se lle denegou a compatibilidade solicitada para un segundo posto de traballo na administración pública.

 

5.- Proposta sobre modificación da RPT.

 

6.- Previa ratificación da súa inclusión na orde do día, proposta de ratificación da resolución da Alcaldía de data 29.04.2021 relativa a aprobación de proxectos corrixidos das obras "Melloras na estrada de Folgueira a Vinxeira" e "Proxecto de rehabilitación e acondicionamento do polideportivo municipal de Tarrío" incluídas no Plan provincial de cooperación ás obras e servicios de competencia municipal POS+2021 da Deputación provincial da Coruña.

 

7.- Previa ratificación da súa ratificación da súa inclusión na orde do día, moción do grupo político do BNG relativa a impulsar o Centro Loxístico de Transportes de Culleredo.

 

8.- Previa ratificación da súa inclusión na orde do día, moción do grupo político do BNG relativa a incoar expediente de revisión de oficio da licenza expedida para construción dunha estación de servizo nunha parcela situada na parroquia de Ledoño.

 

9.- Dación de conta plan anual de control financeiro do Concello de Culleredo, exercicio 2020.

 

10.- Dación de conta de informe anual no marco do plan anual de control financeiro do Concello de Culleredo, exercicio 2020.

 

11.- Dación de conta da resolución da Alcaldía acordando solicitar a adhesión ao Convenio entre a Xunta e a Fegamp para a coordinación de actuacións no desenvolvemento do Programa Galego de Vixiancia e Control fronte á Vespa Asiática (Vespa Velutina).

 

12.- Dación de conta de resolucións da Alcaldía e concellerías delegadas.

 

13.- Dación de conta de informes de reparo de Intervención.