ES / GL

O Conservatorio Municipal de Culleredo acollerá o vindeiro 24 de setembro a estrea das variacións sobre 'Rosa de Abril'

20 Septembro, 2021. 10:53

O Conservatorio Municipal de Culleredo acollerá o próximo 24 de setembro a estrea das variacións sobre “Rosa de Abril”, de Juan Durán, un concerto que forma parte da Programación Xacobeo 21-22.

Dentro do programa, cuxo denominador común son os nacionalismos que tan en boga estaban na Europa de finais do século XIX e principios do XX, poderanse escoitar obras características de Dvorák, Bartók e Turina.

Serán executadas pola orquestra Vigo 430 dirixida por Isabel Rubio, coa presenza do pianista Antonio Queija, nacido na Habana.

Para as persoas interesadas, xa que o aforo é limitado, abrirase o teléfono 981 667 798 en horario de 9:00 a 2:00 e de 16:00 a 20:00 horas para reservar asento.