Queres aportar o teu graíño de area? Desde a Culleredo Protección Civil e o Concello de Culleredo estamos promovendo unha recollida solidaria de material para as persoas afectadas polo desastre natural da erupción do volcán Cumbre Vieja, en La Palma.

Para iso, habilitaremos do 1 ao 10 de outubro catro puntos de recollida, a onde poderedes achegar material tanto para as veciñas e veciños que sofriron as consecuencias desta catástrofe como dos e das profesionais que están a axudar para minimizar os danos materiais na illa.

- Edificio de Servizos Múltiples do Burgo
- Centro Municipal de Formación Pablo Picasso
- Conservatorio Profesional de Música de Culleredo
- Concello de Culleredo

Poderedes facelo de 10 a 14 horas polas mañás en todos os espazos e de 17 a 20 horas polas tardes no Conservatorio e no Edificio de Servizos Múltiples.

Que poderedes aportar? Pois desde produtos de aseo como cueiros, xel de baño, toallas, cepillos e pasta de dentes, mantas, sabas, cascos (aínda que sexan de obra), lanternas, chalecos protectores, camisetas, botas…

Para máis información, poñédevos en contacto con nós a través de mensaxe privada ou no teléfono 620 008 450.

Grazas pola vosa solidariedade!