O goberno local solicitará a colaboración da Subdelegación do Goberno tras os actos vandálicos desta fin de semana en Fonteculler

O goberno local solicitará mañá, luns 8 de novembro, a colaboración da subdelegación do Goberno para poñer en marcha un “urxente plan de seguridade cidadá” que contribúa a reverter os actos vandálicos como os acontecidos esta fin de semana en Fonteculler e o Paseo Marítimo.

O alcalde de Culleredo, José Ramón Rioboo, reuniuse esta mañá de urxencia coa concelleira de Seguridade Cidadá, Marta Figueroa, a fin de analizar os feitos e poñelos en coñecemento da Subdelegación para que durante esta semana se concerte unha xuntanza e dar solución aos problemas de convivencia que se xeran entre os clientes dun local de hostalaría con licenza de lecer nocturno e os veciños da urbanización A Ría.

“O idóneo é manter unha reunión esta mesma semana para incrementar a vixilancia policial en Fonteculler e a Urbanización A Ría”, subliña a concelleira de Seguridade Cidadá, Marta Figueroa, e a idea é “deseñar un plan de choque para facer fronte a esta situación, que deteriora a concordia de veciñas e veciños”, ademais do correspondente “ataque patrimonial”.

E é que á queima dun contedor en Fonteculler na noite do venres ao sábado, a Policía Local tamén advertiu esta mesma mañá a rotura de papeleiras no Paseo Marítimo, para lanzalas logo á Ría.

“Non podemos seguir permitindo estes ataques continuados cara a un patrimonio que é de todas e todos”, advirten desde o goberno local, e agárdase “unha solución inmediata e a colaboración de todas as administracións”, ademais de rogar encarecidamente aos causantes das desfeitas "que reflexionen sobre o sucedido”.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina