O Concello de Culleredo organizará o seu Campamento de Nadal “O segredo do Nadal polo mundo” do 22 de decembro ao 7 de xaneiro no CEIP Vila de Rutis. Esta actividade está pensada para nenas e nenos de 3 a 12 anos de idade e as inscricións poderán formalizarse do 29 de novembro ao 3 de decembro no Edificio de Servizos Múltiples do Burgo. Nela poderán superar retos para descubrir o gran secreto que esconden os habitantes dos diferentes continentes, sempre participando en equipo.

O formulario está dispoñible para a súa descarga nesta nova e está habilitada a liña telefónica 981 66 55 97 para solicitar máis información. As solicitudes poderán realizarse en varias modalidades, estando contempladas as posibilidades de que os máis pequenos almorcen e/ou coman no recinto, sempre amparados por un estrito protocolo COVID-19.

Terán preferencia os e as empadroados/ as en Culleredo. As tarifas están dispoñibles tamén nesta nova (empadroados/ as) e para as nenas e nenos que non o estean, é necesario chamar ao teléfono facilitado previamente.