O parque da Torre de Celas acollerá desde as 21:30 horas deste vindeiro venres, día 3 de decembro, o espectáculo musical da orquestra Los Satélites. O escenario estará emprazado xunto á pista cuberta coa finalidade de protexer aos asistentes da choiva. Este evento está enmarcado no programa de axuda á cultura promovido pola Deputación da Coruña.

Para garantir a seguridade de todas as persoas presentes executarase un protocolo sanitario en base ao que se tomarán os datos persoais dos asistentes antes do acceso ao recinto. Non haberá limitación de aforo e o público deberá permanecer de pé e facer emprego obrigatorio de máscara.