Culleredo reordena a Cabalgata con dobre dispositivo de seguridade, máis percorrido e sen recepcións para adaptarse á situación sanitaria

 
O Concello de Culleredo reorganiza a súa Cabalgata de Reis para adaptarse á situación sanitaria actual. Co obxectivo de evitar as aglomeracións optouse por dobrar o dispositivo de seguridade, aumentar os percorridos para facilitar que a cidadanía non se apiñe en determinados puntos e cancelar as recepcións reais, momento que habitualmente supoñía a concentración de moitas persoas.
 
O alcalde, José Ramón Rioboo, mantivo na mañá de hoxe unha reunión urxente coa Policía Local, os técnicos municipais, así como os concelleiros das áreas afectadas, para adecuar a Cabalgata á pandemia. “Queremos os pequenos vivan con ilusión a chegada dos Reyes, pero a seguridade é o primeiro e debemos adaptarnos á realidade desta sexta onda”, subliña o rexedor.
 
A prioridade é evitar as grandes concentracións de xente e manter a distancia de seguridade entre os asistentes. En primeiro lugar, redóbrase o dispositivo de seguridade o día 5 de xaneiro. Haberá un operativo conformado por Policía Local e Protección Civil que se irá adiantando á comitiva real, promovendo que se cumpran as normativas entre o público.
 
En segundo lugar, o  Concello suprime as recepcións das súas Maxestades, en Vilaboa e O Burgo, que son os momentos que reúnen a máis persoas cada ano. No rural, substitúense as visitas aos centros sociais por un percorrido exterior, coa mesma finalidade de evitar aglomeracións.
 
E en terceiro lugar, tentarase incrementar o número de rúas polas que pasará a Cabalgata para que os veciños poidan observala de forma máis próxima e contribuír así que haxa tamén menos concentracións.
 
Finalmente, do amplo programa do Nadal configurado, o Concello decidiu cancelar as Carpas de Nadal, previstas para o 3 e 4 de xaneiro, e as visitas do Carteiro Real aos centros sociais, marcadas para o 4. Búscase fuxir de espazos pechados e previr que xurdan  contagios. 
 
O goberno local publicará o luns, 3 de xaneiro, todos os detalles do percorrido e horarios previstos para facilitar a organización á cidadanía.
 
Rioboo anima aos veciños para “cumprir en todo momento coas indicacións das forzas de seguridade e actuar conforme ás normas sanitarias” para vivir “unha Cabalgata segura”. “A todos gustaríanos poder celebrar un momento especial como este como sempre, pero hai que mentalizarse de que é imprescindible extremar as precaucións para coidarnos”, expresa.
 

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina