ES / GL

Comezan os traballos de dragado da Ría do Burgo

13 Xaneiro, 2022. 14:26

Esta mañá tivo lugar o acto que supón o comezo dos traballos de dragado da Ría do Burgo. O alcalde de Culleredo, José Ramón Rioboo, recibiu na mañá da a Vicepresidenta Terceira do Goberno e Ministra para a Transición Ecolóxica e o Reto Demográfico, Teresa Ribeira Rodríguez, nun acto no que tamén participaron o delegado do Goberno en Galicia, José Miñones; a subdelegada, María Rivas; a Conselleira do Mar da Xunta de Galicia, Rosa Quintana; o presidente da Deputación Provincial, Valentín González Formoso; o alcalde de Cambre, Óscar García Patiño; o alcalde de Oleiros, Ángel García Seoane e o Patrón Maior da Confraría, Felipe Canosa.

Rioboo asegura que a rexeneración da ría do Burgo é unha “demanda histórica” de Culleredo e celebra que por fin se inicien estes traballos, á súa vez que insta a todas as Administracións na “necesidade real de escoitar as peticións das persoas que exercen o marisqueo na zona”.

O primeiro edil lembra que participa na Plataforma pola defensa da ría desde os seus inicios e que logo, unha vez formou parte do goberno local e agora como alcalde, insistiu “por todos os medios posibles na necesidade de levar a cabo a súa recuperación”.

O rexedor cualifica a actuación de “imprescindible” tanto desde o punto de vista ambiental como da actividade económica marisqueira que xera a ría. Agradece o compromiso manifestado polo Ministerio o pasado ano na reunión entre todas as partes e que desemboca neste investimento.

A súa intención é que a contorna da ría reafírmese como zona verde e de actividade da área metropolitana, tal e como sucede agora, que recibe a visita diaria de centos de persoas. A actuación implicará a ampliación do paseo marítimo xunto ao xardín botánico, onde o Concello planea un recinto para eventos.

O mesmo contará con máis de 50.000 metros cadrados onde se instalará novo mobiliario urbano e zonas verdes, dando continuidade ás prestacións que pode atopar un usuario nos arredores do estuario.