A banda madrileña de swing No Reply convértese na primeira confirmación do Burgojazz 2022

A banda madrileña de swing No Reply convértese na primeira confirmación para o Burgojazz 2022, cuxa XXI edición recuperará o seu formato tradicional tras a pandemia. Celebrarase do 1 ao 4 de xullo e proximamente iranse anunciando vindeiras confirmacións do cartel definitivo.

Nos seus inicios, o festival empezou como unha semana de jazz no ano 2001 cunha serie de concertos que se celebraron nos Muíños de Acea de Ama, pasando despois á súa localización actual no Xardín Botánico. Ao longo das súas edicións, pasaron un total de 109 grupos e bandas de toda Galicia e do resto de España. Destacan as actuacións de Roberto Somoza, Pablo Seoane,  Abe Rábade,  Sumrrá, Ñaco  Goñi,  Maureen  Choi  Quartet, Quinteto Cimarrón, Natalia Millán, Ou Sister, Swing  Machine Orchestra ou  Menil.

Despois de oito anos sen actuar, os No Reply volven á carga e presentarán o seu novo traballo “El invierno más largo”, publicado o pasado 2 de marzo e presentado na sala Caracol de Madrid o día 19 de deste mesmo mes. Confórmano os músicos Alejandro Serrano, Ernesto Millán, David Carrasco, Iván do Castelo, Marcos Crespo, Goiko Martínez, Adrián  Bartol, Carlos Murillo e Rubén García.

Recuperarán temas do pop-rock de fala hispana levándoos ao seu universo do swing, así como as súas propias composicións orixinais. Cunhas influencias baseadas en grupos como Cherry  Poppin`  Daddies, Royal Crown  Revue,  Squirrel Nut  Zippers, Louis Prima ou  Brian  Setzer  Orchestra,  a súa carta de presentación son os ritmos máis  bailables, e que deron á música negra o seu mellor tempo. Desde o swing ata ska, pasando polo reggae ou o  dixieland, a banda basea os seus concertos nunha festa de estilos sazonados de elegancia musical nos que nadie pode deixar de bailar.
 

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina