Culleredo acolle esta fin de semana a principal cita do balonmán de Galicia. O pavillón municipal de Tarrío será o escenario para a final four, competición que tanto en categoría masculina como feminina reúne aos mellores equipos da Primeira Autonómica e dará acceso a unha praza no sector nacional.

O alcalde de Culleredo, José Ramón Rioboo, o presidente da Federación  Galega de Balonmán, Bruno López, e o presidente de  Balonmán Culleredo, club anfitrión, Anxo Canedo, presentaron a cita hoxe na Casa  do Concello. Tamén asistiron Fernando Vázquez, director técnico de Balonmán Culleredo, e Miguel Suárez, concelleiro de Deportes.

Na categoría masculina participan o  Balonmán Culleredo, o  Balonmán Porriño, o Acanor Atl Novás e o Hospital Capilar Poio Artai. Os horarios das semifinais de mañá sábado son:

• 16:00- SM- BM PORRIÑO- ACANOR ATL NOVÁS
• 18:00- SM- BM CULLEREDO-Hospital Capilar POIO Artai

A final será o domingo ás 18.30 horas e o terceiro e cuarto posto ás 10.30 horas.

Na sección feminina participan os seguintes equipos cos seguintes partidos o sábado:

• 11:00- SF-CALVO XIRIA- Forbe RECONQUISTA de Vigo
• 13:00- SF- BM TUI- CdeC LAVADORES Vigo

A final será o domingo ás 16.00 horas e o terceiro e cuarto posto ás 13.00 horas.

Os bonos e entradas pódense adquirir a través da aplicación Cluber.

Rioboo cualificou de “orgullo” que Culleredo sexa o escenario de “eventos deportivos de  primeiro nivel”. Lembrou que xa en 2021,  Tarrió acolleu o Campionato de España infantil con gran afluencia de público. “Ou deporte  é esencial para ou  benestar, promoveremos sempre a súa práctica para a veciñanza”, expresou.

O rexedor felicitou a Balonmán Culleredo polo esforzo organizativo que suporá o evento e polo seu “traballo incansable” para inculcar os valores do deporte. “Faivos grandes”, afirmou. “Espero e encantaríame que o gañador sexa Balonmán Culleredo”, bromeou. 

Pola súa banda, o presidente da Federación Galega de Balonmán, Bruno López, quixo felicitar “a toda a organización por conseguir, por segundo ano consecutivo, o acoller toda unha Final Four, un dos eventos máis importantes do balonmán a nivel Galicia”.

Anxo Canedo, presidente do Balonmán Culleredo, cualificou como “honra” o poder ser parte dun evento desta magnitude. “Traerá, ademais, a moitísima xente, que se hospedará e gozará do noso municipio, Culleredo”.

Subvencións

O alcalde avanzou na rolda de prensa as características da nova liña de subvencións a entidades deportivas que prepara o Concello. Destacou que se busca “un paso máis” ás axudas que se dan e á cesión de uso de instalacións municipais para apoiar aos clubs locais.

“Temos que evitar a dilación no procedemento á hora de facer chegar os abonos dunhas axudas que son fundamentais para as familia. É unha materia pendente”, apuntou. Nos últimos meses os departamentos municipais traballaron en axilizar o pago de anteriores axudas, pero tamén nesa nova liña, sobre todo con entidades que desenvolven o seu labor fora do municipio, mesmo a nivel nacional. “Queremos dar un respaldo económico que despexe dúbidas de se un club pode ou non acudir a esas citas”, sinalou.

Para Rioboo, “o mellor investimento” é dotar fondos para deporte, cultura e saúde. “Imos estar aí para apoiarvos”, concluíu