O Concello de Culleredo pecha coa confirmación de Rubén Fernández o cartel para o Burgojazz 2022, que se celebrará do 1 ao 4 de xullo e que recupera o seu formato tradicional. Sumarase ás actuacións de Alejandro Vargas Trío, Volando Libre, Zumaque Trío, Zafra, Pablo Sanmamed e Non Reply.

Será o venres, 1 de xullo. Rubén Fernández é un músico de Vigo. Os seus inicios foron de formación autodidacta, desde os 10 anos sempre en relación con outros músicos cos que compartía proxectos de diversos estilos musicais. O seu primeiro achegamento a un instrumento vén da man da guitarra, e máis tarde da voz e da batería. Nestes primeiros impases xa mostra unha certa predilección polas sesións de xogo musical ou improvisación.

Aos 18 anos decide afrontar a música desde un lado máis académico e entra na escola municipal da súa cidade para estudar trompeta. Neste período mostra un crecente interese polo jazz, o que lle leva a exporse o ingreso nunha escola de Barcelona. Tanto é asi, que se licenciou pola Escola Superior de Música de Cataluña ESMUC, estudando con grandes músicos como Carme Canela, Joan Monné, Agustí Fernández ou Aldo Caviglia.