A esplanada do paseo marítimo do Burgo acollerá este sábado, día 18 de xuño, a sexta edición da 'Cullerciencia', a feira de divulgación científica organizada polo Club de Ciencia do CEIP Bilingue Ría do Burgo co apoio do Concello.

A xornada dará comezo ás 11:00 horas coa charla 'Para que vale a ciencia que non vale para nada' a cargo de José Martínez Costas. Ás 12:30 será quenda para 'A ciencia que nos rescatou da pandemia' protagonizada por Sonia Villapol. Xa en horario vespertino, ás 16:00 horas, terá lugar 'COVIDBENS: Rastrexando o coronavirus nas augas residuais', de Margarita Poza Domínguez e ás 17:30 horas, Paula García pechará a programación de coloquicos con 'Exercicio físico á carta'.

Asemade, a xornada tamén contará cos obradoiros 'Fai clic ao teu bocata', 'Ti si que es un bo peixe' e 'Fegerec: Vivindo e compartindo a diversidade' con dúas quendas para cada un deles', dirixidos á rapazada de 3 a 14 anos.

Todas as actividades estarán abertas ata complatar aforo.

Consulta a información completa no cartel