A Coral de Maiores do Conservatorio Municipal de Culleredo acaba de poñer en marcha unha convocatoria de adxudicación de prazas para formar parte da Coral de Maiores desde outubro deste ano ata xuño do 2023. A oferta consta de 45 ocos que se cubrirán nunha rigurosa orde de solicitude.

A inscrición farase a través dun documento específico do Conservatorio Municipal de Música de Culleredo que se entregará no Rexistro Municipal e que se facilitará no Edificio Municipal de Servizos Múltiples do Burgo.

As listas provisionais serán publicadas o vindeiro 23 de setembro e o 29 do mesmo mes sairá a listaxe de admitidos. A matrícula ha de formalizarse entre o 3 e o 7 de outubro, sendo gratuíta a devandita formalización.