O Concello de Culleredo, a través da área de Xuventude, convida aos mozos e mozas a participar nos sorteos diarios do #AdventoCIPAX, que comezan hoxe, 12 de decembro e rematan o día de Reis, 6 de xaneiro.

Realizaranse sorteos diarios durante 26 días nos que a xuventude poderá gañar unha variedade de premios, entre eles unha tablet, altofalantes inalámbricos ou suadoiros.

Cada día publicarase un novo sorteo cun prazo de participación de 24 horas. Os gañadores e gañadoras anunciaranse semanalmente na web municipal e nas canles oficiais de Xuventude Culleredo.

As bases poderán consultarse en www.culleredo.es. O modo de participación será a través das canles oficiais do CIPAX (Facebook, Twitter e Instagram).

As persoas interesadas en formar parte destes sorteos deberán mencionar a 1 amigo ou amiga nas publicacións de redes sociais e seguir os perfís oficiais de Xuventude Culleredo.

Consulta as bases no arquivo .pdf adxunto nesta nova.