O Concello de Culleredo participará na VI Edición do Ciclo Metropolitano pola Igualdade nas Artes e a Música ‘Elas son artistas’ coa actuación de Reinas Malas no Edificio de Servizos Múltiples o vindeiro 22 de setembro. Contaremos pois, co humor das Izquierdo Sisters (Lucía Veiga e Marita Martínez) e Niñas de la risa (Diana Sieira e Ángela Triana).

A concelleira de Cultura, Penélope López, acudiu esta mañá á presentación do cartel no Teatro Colón, na Coruña, onde tamén se deron cita representantes dos Concellos que participan neste 2023, como é o caso da Coruña, Arteixo, Betanzos, Carral e Oleiros.

“Estamos moi contentas de poder participar como colaboradores nun evento que é moi importante a nivel cultural, pero tamén social, reivindicando o papel da muller nun ámbito que, en innumerables ocasións, consegue elevarnos a outra dimensión”, subliñou.