O Concello de Culleredo abre este luns, 28 de agosto, o prazo de preinscrición das escolas municipais culturais e deportivas. Rematará o 5 de setembro. Poderá realizarse tanto de maneira presencial, no Edificio de Servizos Múltiples do Burgo, como no correo escolasmunicipais@culleredo.es, en ambos os casos sendo condición indispensable presentar o formulario debidamente cuberto e asinado.

A oferta implica actividades tanto para adultos como para nenas e nenos. Bailes de salón, swing, óleo, inglés, artesanía, guitarra, informática, patchwork, fotografía dixital, deseño de videoxogos, zumba, pilates ou ioga son algunhas das que están dispoñibles no amplo abanico que ofrece a Adminstración local.

Para cada actividade, o Concello determinará un límite máximo de participantes, en función das características das mesmas e das instalacións dispoñibles. Resérvase, en todo caso, o dereito para cancelar calquera actividade que non acade un mínimo do 75% de participantes.

O prezo trimestral xeral por actividade será de 25 euros para persoas empadroadas, e de 35 euros para non empadroadas. Existen descontos para menores de 18 anos, maiores de 65 ou pensionistas, ou estar desempregado/a, entre outros criterios. 

Podes ollar a licitación no perfil do contratante do Concello de Culleredo.