Comeza o prazo de preinscrición para a Coral de Adultos do Conservatorio Municipal de Música de Culleredo. Será desde hoxe, 1 de setembro, ata o xoves 21 de setembro de 2023. Realizarase mediante impreso específico para o Conservatorio Municipal de Música de Culleredo que se presentará no Rexistro Municipal e que se facilitará no Edificio Municipal de Servizos Múltiples e na Casa do Concello. 

Nesta actividade hai un número limitado de prazas que será de 45 e se cubrirán por rigorosa orde de inscrición. 

O venres 22 de setembro publicaranse as listas provisionais de preinscrición no Edificio Municipal de Servizos Múltiples do Burgo e na páxina web do Concello. 

O xoves 28 de setembro publicaranse as listas de admisión para matricularse no Conservatorio Municipal de Música do Concello de Culleredo e na páxina web do Concello. 

O prazo de formalización da matrícula será do luns 2 de outubro ó venres 6 de outubro de 2023. A matrícula será de balde. 

O luns 9 de outubro de 2023 publicarase a lista definitiva de persoas matriculadas no Conservatorio Municipal de Música do Concello de Culleredo e na páxina web do Concello. 

En todos os casos, na adxudicación de prazas terán prioridade as persoas empadroadas en Culleredo. 

A actividade Coral de Adultos do Conservatorio Municipal de Música de Culleredo está dirixida exclusivamente ós e ás maiores de 18 anos e se desenvolverá nas instalacións do Conservatorio Municipal de Música de Culleredo os luns e os xoves en horario de 10:30 a 12:30 horas.