O Concello de Culleredo propón para finais de novembro unha nova edición das súas ‘Xornadas micolóxicas’. Celebraranse do 23 ao 25 deste mes, e dentro do programa as persoas inscritas poderán acudir a varias charlas, unha saída de campo e o showcooking final. Estarán dispoñibles 30 prazas, sendo a maior parte de actividades no Centro de Formación e Emprego Pablo Picasso.

Así, o xoves 23 de novembro celebrarase a charla de iniciación á micoloxía, a cargo de Fernando Ramos, en horario de 20:00 a 22:00 horas. O venres 24 de novembro, sobre as curiosidades do mundo funghi, con Raquel Poncini, tamén de 20:00 a 22:00 horas.

O sábado 25 de novembro celebrarase a saída de campo pola mañá con dous guías, e pola tarde o showcooking desde as 18:00 ás 22:00 horas, con posterior cea da man do chef Arance ata as 23:30 horas.

Dentro da proposta de pratos para a elaboración presencial atópase un carpaccio de ‘edulis’ e vieiras, empanada de cogomelos, revolto de níscalos con mexillóns de Lorbé, guiso de fabas de Tolosa con ‘Amanita rubescens’ ou xeado de ‘Tubaeformis’.

As inscricións podán facerse a través deste formulario web desde hoxe ata o 22 de novembro de 2023.