O Concello de Culleredo informa de que a realización das obras de rehabilitación da praza de Galicia, no Burgo, implicarán desde o luns, 26 de febreiro, unha afección ao tránsito peonil e rodado na confluencia da avenida de Galicia con Alexandre Bóveda.

En concreto, o carril esquerdo quedará cortado debido aos traballos nas beirarrúas. Isto mudará a circulación, tanto en vehículos como a pé, pola marxe dereita, rodeando á glorieta, conforme se observa na imaxe.

A actuación avanza nesta zona para a renovación e impermeabilización das beirarrúas.

Desculpen as molestias.