Actualización: engadida listaxe provisional de solicitudes

Cada participante aboará unha cota de inscrición de 85,00€ (oitenta e cinco euros). A cota de participación será preciso aboala na conta que publicará a Deputación Provincial da Coruña na súa web (www.dacoruna.gal/deportes/campamentos-deportivos), onde será preciso facer o ingreso, nel constará “Verán”, concello e nome do neno/a.

Nestes campamentos de verán 2024 ao Concello de CULLEREDO correspóndenlle 13 prazas na 2ª quenda a cal transcorre dende os días 30 de xuño ao 5 de xullo.

• Entre os días 13 de maio e o 28 de maio será o prazo para facer as inscricións dos nenos/as.
• As inscricións das persoas participantes realizaranse no rexistro do concello onde residan, polo que o concello está obrigado a admitir calquera solicitude presentada no seu rexistro aínda que habilitase outro sistema de presentación (plataforma en liña, etc.)
• Dende o día 29 de maio ata o día 31 de maio farase o sorteo das prazas. Terán prioridade os nenos e nenas que nunca asistiran a campañas de verán.

Para calquera aclaración relacionada co programa, poden poñerse en contacto con Deportes da Deputación da Coruña (deportes@dacoruna.gal) (Tfn: 981 080892) e coa Área de Deportes e Participación Cidadá do Concello de Culleredo (deportes@culleredo.es) (Tfn: 981665597).