A concelleira de cohesión social, recursos humanos e réxime interior, con data de 23 de maio de 2024, resolveu:

 

PRIMEIRO: Convocar a oferta pública de 7 prazas baleiras para a súa cobertura no Centro Ocupacional Municipal “A Escada”, destinadas a persoas con discapacidade intelectual, empadroadas no concello de Culleredo. Período formativo 2024-2025.

 

Os requisitos, a documentación requirida, os formatos, criterios e a puntuación aplicables para este acceso, así coma os prazos para solicitar as prazas e reclamar sobre a adxudicación, serán os especificados no BOP nº 156 de 17 de agosto de 2023 onde se publican as "Bases reguladoras de acceso ás prazas baleiras do Centro ocupacional municipal A Escada".

 

Aos efectos de confidencialidade e da aplicación da Lei Orgánica 3/2018, de 5 de decembro, de “Protección de datos de carácter personal y garantía de los derechos digitales” (LOPDGDD) que fixa as regras sobre o uso de datos persoais identificativos das persoas interesadas nas publicacións sobre actos administrativos, para a consulta de información cando se publique ou difunda por calquera medio dos indicados, utilizarase como “código Id” (identificación individual do expediente de solicitude) as iniciais en maiúscula dos seus apelidos, seguido da inicial do seu nome en minúscula tras unha coma, seguido dos tres últimos díxitos e a letra do DNI da persoa solicitante, precedidos de dous asteriscos. (Ex.:M.N.,a**547P).

 

A Comisión técnica de Valoración das solicitudes admitidas estará formada por:

 

SEGUNDO: Dar orde de publicar a convocatoria nos taboleiros municipais, na páxina web do Concello e no Boletín Oficial da Provincia.

 

O prazo para a presentación de solicitudes será de vinte días hábiles contados a partir do día seguinte ao da publicación da resolución da convocatoria de prazas baleiras no Boletín Oficial da Provincia (BOP) da Coruña.

 

Culleredo, 4 de xuño de 2024.

A concelleira delegada da área de cohesión social, recursos humanos e réxime interior.

PD (Res. núm. 1260/23 do 04/07/2023; BOP núm. 131 do 11/07/2023).

 

Asdo/ Marta Mª Figueroa Fuentes