Queres formar parte dos clubs de lectura das bibliotecas de Culleredo? Pois ben, o proceso de inscrición comeza o vindeiro luns, 2 de setembro. Poderás facelo en persoa na do Burgo, así como no enderezo electrónico bibliotecas.municipais@culleredo.es ou no teléfono 981 66 55 97.

Terán prioridade as persoas empadroadas e as prazas serán adxudicadas por orde de inscrición.

A oferta é a seguinte:

• Luns, de 17:00 a 18:30 horas, club de lectura na Biblioteca Municipal Miguel González Garcés do Burgo. Unha vez ao mes.
• Martes, de 11:00 a 12:30 horas, club de lectura na Biblioteca Municipal Miguel González Garcés do Burgo. Unha vez ao mes.
• Xoves, de 17:00 a 18:30 horas, club de lectura na Biblioteca Municipal Xosé Cardeso Liñares de Vilaboa. Unha vez ao mes.