A Compañía de Teatro "El Ruiseñor", de Culleredo, estrea a obra "Agamenon", de Esquilo, unha adaptación de Susana Crespo. As datas das estreas son o sábado 2 de marzo ás 20:30 horas e o domingo 3 ás 19:00 horas, no auditorio do Conservatorio. As entradas, a un prezo de 5 euros, poden adquirirse no Edificio de Servizos Múltiples do Burgo en horario de 15.00 a 21.00 horas.
 

Os campamentos urbanos de primavera celebraranse no Burgo, no Edificio de Servizos Múltiples. Terán lugar desde o 25 de marzo ao 1 de abril, fóra dos días festivos e o sábado. Diríxense a nenos de 3 a 12 anos de idade, tendo preferencia os empadroados no municipio de Culleredo. O programa de actividades estará guiado pola educación ambiental.

O Concello de Culleredo publica a programación infantil da Biblioteca municipal "Miguel González Garcés" do Burgo para o que resta de curso, de febreiro a xuño de 2013. O programa, tal e como se pode ver no arquivo adxunto, componse de Contacontos coa Dragona Ramona, Obradoiros de contos, Contos en inglés e Teatro.

A asociación cultural Bonsai Coruña e o Concello de Culleredo abren o prazo de inscrición para o curso de coidado de bonsáis que se celebrará na aula de Natureza do Burgo o próximo mes de marzo. O taller terá lugar os domingos 10 e 24 de marzo en horario de 10.30 a 13.30 horas.

O Concello de Culleredo presenta un novo programa de Entroido que busca dar resposta aos intereses dos veciños de todas as idades. A concelleira de Cultura, Alicia Ferreiro, explica que a celebración do Entroido de Culleredo terá unha tripla vertente: para nenos, para adultos e a tradicional Romaría de San Blas en Veiga, coa esperada lectura do testamento.

O Concello de Culleredo hoxe o campamento urbano desenvolvido durante o Nadal cun sobresaliente éxito de participación e de resultados. Un total de 64 pequenos cullerdenses, de entre 3 e 12 anos de idade, compartiron estas dúas semanas xogos e talleres no Edificio de Servizos Múltiples do Burgo. A Dragona Ramona, mascota das Bibliotecas, foi a protagonista da despedida da actividade.

O Edificio de Servizos Múltiples do Burgo encherase mañá co gran espectáculo teatral que ofrecerá a compañía cullerdense El Ruiseñor, incluído na programación cultural do Concello de Culleredo. Terá lugar ás 19.30 horas e leva por título "Érase unha vez...o Nadal". Á conclusión do espectáculo, os pequenos recibirán unha grata sorpresa. O Carteiro Real visitará aos pequenos para escoitar as súas peticións a poucas horas da chegada dos Reis Magos.
 

O Concello de Culleredo comeza o ano cunha forte programación cultural e de ocio para os máis pequenos do municipio. A primeira actividade do 2013 será un obradoiro de maxia que terá lugar no Edificio de Servizos Múltiples do Burgo o xoves 3 a partires das 17.00 horas. Posteriormente, ás 19.30 horas celebrarase a actuación do recoñecido Mago Pablo.

Un gran espectáculo de carácter interxeneracional abarrotará o auditorio do Edificio de Servizos Múltiples do Burgo o sábado 22 de decembro. O Concello une a excelencia artística da compañía de teatro El Ruiseñor coas impresionantes voces da coral Fonte do Souto. Un total de 100 persoas conforman este espectáculo. Haberá desde nenos de 4 anos ata maiores de 80 da coral. Durante a función, unha conxugación entre a teatralidad e as panxoliñas dos maiores.

O Concello de Culleredo abre o prazo de preinscrición para os campamentos de Nadal 2012 que organiza. Baixo o lema de "Un Nadal divertido na casa da Dragona Ramona", os pequenos de 3 a 12 anos de idade poderán desfrutar de distintas actividades no Edificio de Servizos Múltiples do Burgo do 26 ao 7 de xaneiro.