O 21 de marzo, Día Mundial da Árbore, o Concello de Culleredo, a través da Concellaría de Educación e o CRA de Culleredo: aulas de Ledoño, Vinseira, O curro e A Choeira, farán unha plantación nos arredores do recinto do Xardín Botánico de Acea de Ama. A actividade será desenvolta polos 70 alumnos e alumnas dos centros de educación infantil.

O acto, ademáis da plantación das árbores, contará co "Almorciño Verde", unha merenda a base de frutas e bebidas saudables.

Ademáis, coa mesma finalidade de celebración deste día, o Concello distribuirá árbores para as plantacións nos centros escolares de Tarrío, Sofía Casanova, Isaac Díaz Pardo, Ría do Burgo e A Ponte Pasaxe.

Estas actividades enmárcanse no programa de Educación Medio-ambiental e teñen como obxectivo principal sensibilizar aos nenos e nenas sobre a importancia das árbores no noso medio, os beneficios que nos producen e a necesidade de respetalas e coidalas como parte do medio ambiente .

Colaboran tamén coa actividade as Concellería de Medio Ambiente, Servizos e Obras, e a Concellería de Cultura. As árbores son proporcionadas pola Consellería de Medio Rural.