O Concello de Culleredo saca hoxe a licitación unha das súas principais actuacións dos últimos anos: a rehabilitación do Edificio de Servizos Múltiples do Burgo, referente da actividade cultural e social do municipio. O Boletín Oficial da Provincia (BOP) publica hoxe o anuncio, cun orzamento de 1.009.701 euros.

A praza de Europa, núcleo neurálxico do Burgo, loce nova imaxe, tras a actuación levada a cabo polo Concello de Culleredo. Ademais do novo aspecto, este pavimento é especial para evitar os resbalones dos viandantes en días de choiva, algo que o equipo de goberno priorizou para aumentar as prestacións do recinto.

O I Certame Xuvenil de Teatro Afeccionado de Culleredo acolle este mes as representacións das cinco obras finalistas. Os actos teñen lugar os sábados no Conservatorio Municipal de Música, coa entrada gratuíta. O domingo 30 de novembro, ás 19:00 horas, terá lugar a gala final, coa entrega de premios

O Concello de Culleredo abre a inscrición para un curso de poda e enxertos, que conterá tanto de sesións teóricas como prácticas de campo. A acción terá lugar na aula de Natureza do Burgo os sábados 15, 22 e 29 de novembro.

Culleredo prepárase para a súa tradicional exaltación da castaña. O Magosto Municipal, que organiza o Concello, terá lugar este sábado 8 de novembro no parque de Celas, desde as 18.00 horas, e prevese a degustación de máis de 500 quilos de castañas por un milleiro de persoas.