O monte Xalo baterá marca de asistencia na V Travesía do Xalo, que se desenvolverá o domingo, 27 de abril, en Culleredo. Organizada pola asociación Castelo Deporte coa colaboración do Concello de Culleredo, a cita reunirá a máis de 500 participantes nas diferentes modalidades que propón.

O Concello de Culleredo dá un paso máis na defensa da construción dun novo instituto de educación secundaria para o municipio. O goberno local proporá hoxe en pleno  ao resto de grupos da corporación un acordo institucional para reclamar á Xunta de Galicia a licitación inmediata da obra.