CENTRO MUNICIPAL DE PERSOAS MAIORES É un servizo que ten como finalidade facilitarlle á xente maior un envellecemento activo e fomentar a calidade de vida na etapa de vellez previndo posibles situacións de desarraigo ou de exclusión social e promovendo ao máximo a autonomía persoal das persoas maiores. A través das actividades programadas dende o centro, preténdese facilitar o uso e disfrute dos recursos da comunidade na que vive, achegarse á cultura propia e facilitar un óptimo estado de benestar. O Centro ten unha estructura asamblearia e xestiónase dende a Concellaría de Benestar Social en coordinación cunha xunta de delegados/as parroquiais que son elixidos democraticamente cada catro anos polos propios socios e socias do centro como representantes dos maiores de cada zona do concello. O ser asociado do centro non ten custo algún.

PERSOAS DESTINATARIAS

Todas as persoas maiores empadroadas no concello de Culleredo que teñan as capacidades físicas e mentais axeitadas para participar nas actividades do centro e cumpran as condicións de acceso establecidas:

• Ser maior de 60 anos
• Estar empadroado/a en Culleredo.
• Ser cónxuxe ou parella de feito do/a socio/a, calquera que sexa a súa idade
• Casos especiais recollidos no regulamento vixente do centro

DOCUMENTACIÓN A APORTAR:

• Fotocopia do D.N.I.
• Fotocopia da tarxeta sanitaria ou seguro médico privado
• Dúas fotografías tamaño carné.
  (A comprobación de empadroamento faise de oficio dende o Centro)
  

A sede principal está no Centro social "Sara Váquez" ou Casa Rosa, na rúa Ramón Cabanillas, nº 12 15670 O Burgo, Tel 981 665 335

Ademais dispón para a realización das actividades de centros sociais en todas as parroquias cullerdenses

• Edificio de Servizos Múltiples O Burgo
• Centro Social de Tarrio " Noso Lar "
• Centro Socio-cultural de Almeiras
• Centro Socio-cultural de Bregua
• Centro Socio-cultural de Boedo
• Centro Socio-cultural de Castelo
• Centro Socio-cultural de Celas
• Centro Socio-cultural de Ledoño
• Centro Socio-cultural de Orro
• Centro Socio-cultural de Portazgo
• Centro Socio-cultural de Sueiro 
• Centro Socio-cultural de Vilaboa
• Pazo Vila Melania
  

ACCESO AO CENTRO:

Información no Centro Social "Sara Vázquez" (Casa Rosa)
O Burgo Rúa Ramón Cabanillas s/n.

teléfono 981 665 335

HORARIO

De luns a venres de 10:00 a 13:00 h. e de 17:00 a 21:00

ACTIVIDADES QUE SE OFRECEN Nun programa anual calendarízanse as actividades que se desenvolven de xeito descentralizado nas distintas parroquias. Servizo de Información especializado   O Centro municipal de maiores conta cun Servizo de Información especializado (SIM) que informa de servizos e prestacións especificamente dirixidas ás persoas maiores: tramitación de solicitudes para programas de lecer como o termalismo social, vacacións para maiores e turismo social, doutros organismos e información sobre recursos municipais propios.

Actividades de fomento da calidade de vida e autonomía persoal

• Roteiros saudables
• Sesións de ioga, relaxación e estiramentos,
• Obradorioros de reforzo da memoria.

Actividades de promoción cultural:

• Obradoiro de " lectura de xornais"
• Visitas a lugares de interese cultural
• Clube de lectura

Actividades de fomento da creatividade:

• Expresión dramática e interpretación teatral
• Obradoiros de artesanía
• Obradorios de cociña.
• Obradorios de fíos e abelorios
• Obradoiro de pintura

Actividades de convivencia e participación social:

• Viaxes, 
• Xantares de convivencia
• Festas e bailes 
• Asembleas

Custo: Unha ordenanza municipal regula anualmente os prezos de cada actividade.