O Concello de Culleredo prepara a tradicional celebración en defensa do papel da muller.  Desde o ano 2012, as asociacións de mulleres cullerdenses retomaron a organización da tradicional Cea do Día da Muller, con motivo da súa conmemoración, celébrase desde hai 18 anos.

Este ano a cea-baile terá lugar o venres 7 de marzo ás 21.30 horas e será, como nas anteriores edicións, no Pazo de Vilaboa. O Concello informa de que son as propias asociacións as que fan as inscricións e recadan o diñeiro do evento (25 euros).

O prazo de inscrición remata o 4 de marzo. Os medios para anotarse son os seguintes:

• Asociación A Xeca (Vilaboa, detrás da oficina de Correos). Teléfono: 661 910 585
• Asociación Rosalía de Castro (Edificio de Servizos Múltiples do Burgo). Teléfono: 639 513 466
• Asociación Alancada (Tarrío). Teléfono: 607 180 712

O Concello de Culleredo quere animar a todos os veciños cullerdenses a asistir a este acto que está concibido para reafirmar o papel da muller en Culleredo e na sociedade en xeral. A concelleira de Sanidade e Muller, Penélope López, apunta que segue sendo moi necesario facer "un recoñecemento á loita diaria que levan as mulleres por conseguir unha igualdade efectiva".