Culleredo homenaxeou ás mulleres deportistas do municipio con motivo da celebración do Día da Muller de 2015. Deportistas e clubs con seccións femininas participaron no acto organizado polo Concello e que se desenvolveu no salón de actos do Conservatorio municipal.

Recibiron a homenaxe as seguintes deportistas ou seccións femininas completas:

• Fernanda Espiñeira (ciclismo e raids)
• Leny López (fútbol sala)
• Marta Lago (karting)
• Mónica García (tiro con arco)
• Sara García (taewkondo)
• Zaira Vilariño (hípica)
• Club Balonmano Culleredo
• Club Baloncesto Culleredo
• Club Agua Marina de natación sincronizada
• CR Team ACT: Hípica
• Sporting Burgo

As deportistas recibiron o recoñecemento de mans do alcalde de Culleredo, Julio Sacristán, da concelleira de Benestar Social, Lupe Pombo, da concelleira de Muller, Penélope López, e do edil de Deportes, Miguel Suárez.

Sacristán felicitou a todas as homenaxeadas polo seu "esforzo e superación" no deporte e enxalzou o seu exemplo como triunfadoras nun mundo que por sorte cada vez é máis igualitario.

A música non faltou no evento tamén a cargo de mulleres: o dúo de saxofón e piano formado por Natalia Lodeiros e Mariña López, e a cantautora Bea a de Estrela.