O vindeiro 27 de abril celebrarase no salón de plenos da casa consistorial do concello, a asamblea xeral de delegados e delegadas parroquiais.

Ese mesmo día realizarase unha visita cultural á Casa do Home - Domus así como un "xantar de primavera" en O Carballo para todas as persoas maiores que queiran acudir.

Dende a Concellería de Cultura, Deportes de Participación Cidadá e a Concellería de Benestar Social e Promoción Económica desenvolverase durante dous venres ao mes, a partir do venres 25 de abril, en horario de 9.30h a 11.30h, un programa de visitas culturais dirixida aos alumnos do Centro Ocupacional. Estas visitas serán guiadas polo historiador do Concello anque o alumnado irá acompañado dos seus monitores.