O Club Baloncesto Culleredo organiza, coa colaboración do Concello, o seu X Campus de Verán. Desenvolverase no polideportivo do Burgo de luns a venres, desde o 24 de xuño até o 5 de xullo, en horario de 9.30 a 18.30 horas. Está dirixido a mozos e mozas de 5 a 16 anos de idade. As inscricións poderanse realizar na polideportiva do Burgo (en horario de martes e xoves, de 18.00 a 20.00 horas) ou a través da páxina web do club (www.cbculleredo.es).
O Concello de Culleredo informa de que o próximo martes 28 de maio farase o sorteo público para designar as prazas dos campamentos deportivos organizados pola Deputación de A Coruña. O sorteo celebrarase no Edificio de Servicios Múltiples ás 12.00 horas.
O XIV Campionato de Tute que organiza o Concello de Culleredo celebrou o pasado venres a xornada terceira da súa fase final. Este venres, 24 de maio, terá lugar a xornada carta no centro social Torre de Celas, a partir das 21.00 horas. A continuación pódese descargar os resultados e calendario.
O XIV Campionato de Tute que organiza o Concello de Culleredo celebrou o pasado venres a xornada segunda da súa fase final. Este xoves, 16 de maio, terá lugar a xornada terceira no centro social Torre de Celas, a partir das 21.00 horas. A continuación pódese descargar os resultados e calendario.
O Concello de Culleredo inicia mañá, venres 3 de maio, a fase final do XV Campionato de Tute, coa participación de 80 parellas de veciños das diferentes parroquias. As partidas desenvolveranse no centro social de Celas a partir das 21.00 horas. A continuación pódese acceder ao cadro de enfrentamentos e regulamento.
Xa está aberto o prazo de inscrición nos campamentos deportivos que desenvolverá no verán a Deputación da Coruña, para rapaces nados entre 1999 e 2003. A Culleredo correspóndelle a segunda quenda, do 7 ao 13 de xullo de 2013. Os interesados dispoñen ata o 16 de maio para formalizar a inscrición no rexistro xeral do Concello, entregando a ficha de inscrición cuberta e a fotocopia do libro de familia ou carné de identidade.
A Travesía do Xalo, nas súas modalidades de carreira e andaina, celebrarase o domingo 28 de abril co récord de participación de 400 persoas. A proba, organizada pola asociación Castelo Deporte, e que conta coa colaboración do Concello de Culleredo, está previsto que comece ás 9.30 horas no caso da carreira e ás 10.00 horas no caso da andaina.
Culleredo acolle este sábado, 20 de abril, a terceira edición do Descenso O Xalo, proba deportiva de descenso de Mountain Bike. A competición, proba oficial do Open Galicia 2013, está organizada polo club cullerdense School Riders Team, en colaboración co Concello de Culleredo. Reunirá a 200 deportistas, moitos deles veciños de Culleredo, xuntando tamén aos principais deportistas da modalidade de descenso a nivel nacional.
Ante o temporal que se prevé para a tarde de hoxe, xoves 21 de marzo, o Concello de Culleredo anuncia a suspensión das actividades ao aire libre nos campos de fútbol de Rutis, O Burgo, Tarrío e As Brañas. Tampouco se poderán realizar actividades nas polideportivas descubertas do municipio.
Culleredo acollerá este domingo, 24 de febreiro, un dos máis multitudinarios acontecementos ciclistas da comarca. A Pedalada Ártabra, organizada polo Club Ciclista Riazor coa colaboración do Concello de Culleredo, chega a súa VI edición con 250 participantes inscritos. A Marcha encádrase dentro da categoría de Cicloturismo-BTT (Bicicletas Todo Terreo) sendo un exercicio físico con fines de ocio, turístico ou cultural, excluíndo expresamente a competición.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER