O goberno de Culleredo deseñou unha modernización total do campo de fútbol de Rutis, atendendo así á clara necesidade de mellorar as condicións do campo, manifestada polos usuarios. E é que o municipio conta cuns 1.500 veciños que practican fútbol nas diferentes categorías.
Culleredo será o domingo, 30 de marzo, a capital comarcal do judo. Máis de 400 nenos judokas participarán nos Xogos de Amizade, que se desenvolverán no polideportivo do colexio Rías Altas, na Zapateira.
O monte Xalo prepárase para acoller o vindeiro domingo, 30 de marzo, a cuarta edición do Descenso do Xalo. Será a primeira proba do Open Galego de descenso de bicicleta de montaña, polo que reunirá a deportistas de renome desta modalidade a nivel nacional.
Culleredo celebra este sábado, 22 de marzo, a segunda edición do Día do Patín, unha festa da patinaxe artística pensada para toda a familia. O II Día do Patín terá lugar no polideportivo municipal de Tarrío, en horario de 11.00 a 13.00 horas. O evento está pensado tanto para nenos como para adultos.
Culleredo acolleu o domingo 23 de febreiro a Ártabra, unha durísjma travesía ciclista de 81 quilómetros, ou 48 no percorrido curto, polos montes da Zapateira, Bregua, Santa Leocadia e Xalo.
O Club Natación Culleredo quedou terceiro na clasificación xeral do XV Encontro Concello de Arteixo, con 16 medallas. O concelleiro de Deportes, Miguel Suárez, quere felicitar en nome do Concello de Culleredo ao Club polos excelentes resultados e sobre todo o enorme traballo e esforzo que están a realizar.
Os montes de Culleredo acollerán o domingo a VII Pedalada Ártabra coa participación de case 500 persoas. Cada un dos deportistas achegará un litro de leite ao Fondo Municipal de Alimentos, que despois serán distribuídos entre os cidadáns con necesidade.
Culleredo acolleu o domingo o primeiro Rally de Coches Clásicos, organizado pola Escuadra Centollo e o Concello de Culleredo. O evento xuntou a uns 40 modelos de coches, que datan desde 1966 a 1985. Puidéronse ver marcas como Porsche, Mini, Lancia, MG, Opel ou Fiat.
Culleredo converterase o vindeiro domingo, 16 de febreiro, nun percorrido á historia do automobilismo. O municipio acollerá o primeiro Rally de Coches Clásicos, organizado pola Escuadra Centollo e o Concello de Culleredo.
Ante o temporal que se prevé para mañá, martes 4 de febreiro, o Concello de Culleredo, anuncia a suspensión das actividades ao aire libre nos campos de fútbol do municipio. Ademais non se poderán realizar actividades nas polideportivas descubertas do municipio.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER